18 сакавіка 2025 ва ўстанове адукацыі “Магілёўскі дзяржаўны абласны інстытут развіцця адукацыі” для слухачоў курсаў павышэння кваліфікацыі прайшла гадзіна інфармавання, прысвечаная Дню памяці ахвяр Хатынскай трагедыі.
Перад слухачамі выступіла кандыдат гістарычных навук, дацэнт кафедры дыдактык і прыватных методык Наталля Міхайлаўна Пурышева. Наталля Міхайлаўна нагадала асноўныя падзеі хатыскай трагедыі, якія адбыліся 22 сакавіка 1943 года з помсты за забойства нямецкіх салдат партызанамі і здзейсненыя карным атрадам са складу 118-га батальёна шуцманшафта і асаблівага батальёна СС «Дзірлівангер». Усяго было знішчана 149 жыхароў Хатыні, з іх 75 дзяцей.
Наталля Міхайлаўна асабліва падкрэсліла той факт, што памяць аб Хатынскай трагедыі пакінула ў сэрцы беларускага народа балючы след і што нашаму маладому пакаленню неабходна ведаць аб тых жахах і разбурэннях, якія прынесла нацысцкая ідэалогія беларускаму народу.
Мяркулава О. М., начальнік аддзела выхаваўчых сістэм і тэхналогій установы адукацыі “Магілёўскі дзяржаўны абласны інстытут развіцця адукацыі”
