27–28 лістапада 2025 года на базе ўстановы адукацыі «Магілёўскі дзяржаўны абласны інстытут развіцця адукацыі» (УА «МДАІРА) праходзіў двухдзённы семінар на тэму «Удасканаленне работы са зваротамі грамадзян і юрыдычных асоб».
Арганізатарам сустрэчы выступіла ўпраўленне па працы са зваротамі грамадзян і юрыдычных асоб аблвыканкама. Мерапрыемствы праводзіліся для начальнікаў аддзелаў(упраўленняў) па працы са зваротамі грамадзян і юрыдычных асоб гор (рай)выканкамаў і адміністрацый раёнаў гарадоў Магілёва і Бабруйска, рэзерваў кадраў, работнікаў структурных падраздзяленняў аблвыканкама, а таксама спецыялістаў абласных і іншых арганізацый, адказных за працу са зваротамі грамадзян і юрыдычных асоб.
У рабоце семінара ўдзел прынялі дзядкоў Мікалай Леанідавіч, кіраўнік спраў аблвыканкама; Філіпава Іна Мікалаеўна, начальнік упраўлення па рабоце са зваротамі грамадзян юрыдычных асоб аблвыканкама; Жудро Міхаіл Міхайлавіч, рэктар УА «МДАІРА».
Мерапрыемства было прысвечана комплекснаму разгляду пытанняў арганізацыі работы са зваротамі грамадзян і юрыдычных асоб, уключаючы абарону персанальных дадзеных, аналіз тыповых парушэнняў і судовую практыку абскарджання адказаў дзяржаўных органаў. Удзельнікі абмеркавалі парадак прыцягнення да адміністрацыйнай адказнасці за парушэнні заканадаўства, правілы вядзення і знішчэння спраў з матэрыяламі зваротаў, а таксама акцэнтавалі ўвагу на пісьменнасці, этыцы і дыялогу як аснове даверу ў рабоце дзяржаўнага служачага.
Турава Анастасія Вітальеўна, спецыяліст аддзела выхаваўчых сістэм і тэхналогій установы адукацыі «Магілёўскі дзяржаўны абласны інстытут развіцця адукацыі
