7 жніўня 2025 года на базе ўстановы адукацыі “Магілёўскі дзяржаўны абласны інстытут развіцця адукацыі” (далей – УА “МГАІРА”) адбыўся абласны семінар-практыкум «Мастацтва публічных выступленняў і прамоўніцкае майстэрства».
Удзельнікамі мерапрыемства сталі кіраўнікі раённых (гарадскіх) партыйных арганізацый і грамадскіх аб’яднанняў, супрацоўнікі Інстытута.
Мадэратарам сустрэчы выступіў Жудро Міхаіл Міхайлавіч, рэктар УА “МГАІРА”. У рабоце семінара ўдзел прынялі Дашкова Наталля Мікалаеўна, начальнік упраўлення ідэалагічнай работы галоўнага ўпраўлення ідэалагічнай работы і па справах моладзі Магілёўскага аблвыканкама, і Тарасенка Наталля Эдуардаўна, дэпутат Палаты прадстаўнікоў Нацыянальнага сходу Рэспублікі Беларусь.
Перад аўдыторыяй выступіла галоўны рэдактар дырэкцыі радыё РУП РТЦ “Тэлерадыёкампанія” Магілёў” Міхнова Ніна Уладзіміраўна. Спікер распавяла пра патрабаванні да выступлення ў СМІ, а таксама падзялілася некаторымі тэхнікамі для зніжэння хвалявання і практыкаваннямі па прамоўніцкаму мастацтву, якія выкарыстоўвае ў сваёй прафесійнай дзейнасці.
Мулерова Ірына Казіміраўна, начальнік цэнтра ідэалагічнай, выхаваўчай работы і педагагічных інавацый УА “МГАІРА”, акцэнтавала ўвагу на ролі публічнага выступу і прамоўніцкага майстэрства ў дзейнасці лідэра, кіраўніка.
Мядзведзева Марыя Мікалаеўна, метадыст аддзела арганізатараў адукацыі і педагагічнага працэсу УА “МГАІРА” падзялілася практычнымі прыёмамі барацьбы з хваляваннем падчас выступу.
Пра тое, што такія зносіны і як выбудаваць эфектыўную камунікацыю, у форме актыўнага ўзаемадзеяння з аўдыторыяй распавяла Тарасенка Любоў Васільеўна, метадыст аддзела выхаваўчых сістэм і тэхналогій УА “МГАІРА”.
Удзельнікі семінара адзначылі практычную значнасць сустрэчы і неабходнасць далейшых сустрэч па гэтым напрамку. Валоданне мастацтвам прамоўніцкага майстэрства з’яўляецца незаменным навыкам, які неабходны абсалютна кожнаму чалавеку.
Турава А. В., спецыяліст аддзела выхаваўчых сістэм і тэхналогій установы адукацыі “Магілёўскі дзяржаўны абласны інстытут развіцця адукацыі”
